Realak eta Eibarrek jokatuko dute gazte mailako XXVI. Gabonetako futbol txapelketako finala. Luis Herzog Lutxi zenaren omenez, Bergara Kirol Elkarteak sasoi honetan urtero antolatzen duen txapelketako lehen kanporaketak atzo jokatu ziren. Realak 0-4 irabazi zion Bergarari. Aurretik, Eibarrek penaltietan irabazi zion Mondrari. Arauzko 90 minutuak banako berdinketarekin amaitu zuten. Honenbestez, gaur, martitzena, 16:00etan, Agorrosinen, finala jokatuko dute armaginek eta txuri-urdinek.
Bestalde, urtarrilaren 2an 09:00etatik aurrera, Realak antolatzen duen Infantil Txiki nazioarteko txapelketako sailkapen fasea jokatuko da Ipintzan. Bergara KE, Ariznabarra, Kostkas, Anaitasuna eta Touring taldeak lehiatuko dira. Ospe handiko txapelketa da maila horretan.
Azkenik, urtarrilaren 5ean, alebin mailako txapelketa jokatuko da Ipintzan, orain dela gutxi hil zen Aitor Mujika Mutxi futbol eskolako entrenatzaileari omenaldi bezala. Txapelketa horretan, Real Sociedad, Eibar, Durangoko Cultural eta Bergara KE arituko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
