Urriaren 17an izan zituzten uholdeak Saharako kanpamenduetan, kalte handiak sortuz: familia askok zuten apurra galdu zuten, baita gordeta zituzten elikagai guztiak ere. Galera materialak ere garrantzitsuak izan ziren.
Gainerakoan, garapen proiektuetarako 51.490 euro banatuko ditu Udalak GKEen artean; ondorengoak dira eskaria egin eta laguntza jasoko dutenak: Serso San Viator, Mundu Solidarioa Helburu, Tau Fundazioa, Oscar Romero, Bubisher eta Komite Internazionalistak. 7.000 eta 10.200 euro arteko kopuruak jasoko dituzte guztiek.
