Datorren azaroaren 25etik aurrera, Zabalotegiko Txiki Txokoa, haur eta familiek erabiltzeaz gain, auzoko edadetuek ere erabiliko dute. Zabalotegi auzoan, bertako edadetuek lokal bat eskatzen zuten eguraldi txarra egiten duenean, epeletan egoteko.
Udalak eskaera hau aztertu du eta posible ikusten zuen bi erabilerek bat egitea. Txiki Txokoak bi gela ditu; beraz, bata haurrek erabiliko dute, eta bestea, berriz, edadetuek. Erabilera berri hau momentuz urte beterako izango da, elkarbizitza nolakoa den ikusteko. Epe horren ostean, eta alde guztiak ados baldin badaude, horrela jarraituko dute. Egun hauetan udal langileak edadetuek erabiliko duten gunea egokitzeko lanetan dihardute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.