SOS Sahara jaialdia egingo dute domekan Bergarako gaztetxean

Saharari laguntzeko jaia egingo dute domekan gaztetxean. 17:30ean hasita, hainbat kontzertu akustiko izango dira kartzela zaharreko taula gainean. Iker Lauroba eta Itsasargiak izango da lehen taldea; haien ostean, Beñat Igarabide arituko da; eta ondoren, Sahara Libre, saharar musikariek osatutako taldea; gero, Folkiak; eta bukatzeko, Emon taldeak emango du kontzertua.

Sarrerak bost euroko prezioa izango du, eta egunean bertan gaztetxean edota aurrez Arrano eta Pol-pol tabernetan izango dira eskuragarri. Batutako dirua sahararrei laguntzeko izango da.

Urriaren amaieran uholde handiak jasan zituzten mendebaldeko Saharan, eta Tindufeko errefuxiatuen guneetan kalte larriak eragin zituzten. 2.500 errefuxiatuk baino gehiagok etxeak eta baliabideak galdu dituzte, eta zenbait toki inkomunikatuta gelditu dira. Etxeez gain, eskolak eta ospitaleak ere hondatu ziren uholdeen ondorioz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.