Ur-filtroak saltzen, bi pertsona iruzur egiten dabiltzala jakinarazi dute Udaletik

Azken egunetan adineko pertsonei egiten dabiltzan iruzur saiakera baten berri eman du Bergarako Udalak. Salatzen denez, bi gazte adinekoen etxebizitzetara dabiltza joaten ur-arazoak konpontzeko 2.000 eurtik gorako filtroa saltzen.

Udalari kaltetuetako baten senideek eman diote iruzurraren berri. Gazteek biktimari Bergarako ur-sareak arazoak dituelakoan, filtro berezi bat eskaintzen diote. 2.000 eurotik gora eskatzen dute filtroarengatik eta konponketa lanengatik. Udaletik iruzurra salatu eta argitu gura dute Bergarako uretan ez dagoela ezelako arazorik eta egoera ona dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.