Santa Zezilia egunaren bueltan (azaroaren 22a), Bergarako musikariek antolatu dituzten ekimenen artean lehena izango da gaurkoa. Ez bakarra, ordea. Izan ere, bihar, egubakoitza, Orkestra Sinfonikoak kontzertua eskainiko du Mariaren Lagundiko elizan, 20:00etan hasita. Emanaldiaren ostean, Pertxa elkartean batuko dira musikariak afarirako.
Domekan, azkenik, Santa Zezilia egunarekin bat eginez, Udal Musika Bandaren txanda izango da. 10:30ean kalejira egingo dute eta 12:30ean kontzertua Udal Pilotalekuan. Besteak pieza batzuen artean, Pertxa elkarteari eskainitako martxa joko du Bandak eta Jesus Mari Eguren Uriarte urte askotan zehar elkarteko presidente izandakoari omenaldia eskainiko diote.
Bergarako Musika Eskolako Gazte Bandak Santa Zezilia musikarien eguna ospatuko du gaur kalean. Hain justu ere, Gazte Bandak eta hizkuntza musikaleko ikasleek, San Martin plazaraino kalejira egingo dute, eskolatik abiatuta. Behin plazan, abesti batzuk eskainiko dituzte. Ondoren, txokolatea banatuko dute. Bestalde, txistulariak eta trikitilariak, Bergarako kaleetan barrena ariko dira. Honakoa da ordutegia: 17:30: Kalejira-irteera Musika Eskolatik; 17:45: Plazan ekitaldia; ondoren, txokolatada.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak