Zientzia, Teknologia eta Berrikuntza jardunaldien baitan, herritarrei zuzendutako bisita egin dute gaur, barikua, arratsaldean, Bergarako Soraluce S. Coop enpresara. Udal ordezkariak ere izan dira ate irekien saio horretan, Maite Agirre eta Iñaki Arregi zinegotziak, hain zuzen. Enpresaren produktuen zein antolakuntzaren gaineko xehetasunak jasotzearekin batera, instalazioak ikusteko aukera izan dute.
Zientzia, Teknologia eta Berrikuntza jardunaldien barruan ekitaldi gehiago ere egongo dira datozen orduetan. Gaur, 19:00etan, Live Tracking aplikazioa aurkeztu eta erabiltzeko argibideak emango dituzte Irizar jauregian. Bihar, zapatua, berriz, bideo jokoen lehiaketa egingo da, 11:00etatik 19:00etara, Udal pilotalekuan eta 19:00etatik 19:45era, Latox taldeak emanaldia egingo du leku berean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.