Astelehenera arte eman daiteke izena hilaren 15eko Domeka Azokan

Julen Iriondo 2015ko aza. 6a, 13:33
Domeka Azoka.

Domeka Azoka elkartrukea, berrerabilera eta artisautza sustatzeko merkatua da. Hile bitik behin antolatzen da, hileko hirugarren igandean. Hurrengoa azaroaren 15ean ospatuko da. Merkatua 11:00tik 14:00ra izango da San Martin plazan; euria egiten badu, arkupeetan.

 

Artisauen aldetik postua jartzeko gero eta eskaera handiagoa dagoenez, Domeka Azokan parte hartzeko irizpide batzuk jarri ditu Udalak:

  • Lehentasuna izango dute 2. eskuko materiala saltzen dutenek eta trukea bultzatzen dutenek.
  • Artisauen aldetik, lehentasuna izango dute Bergarakoek, ondoren bailarakoek.
  • Bailarakoak sartu ondoren lekurik badago, gainontzekoak hartuko dituzte. Udalak azokan eskaintzen den produktuen aniztasuna zainduko du, horren arabera aukeratuko du zein artisau onartu.

Postua jartzen duen pertsona bakoitzeko mahai bat emango du Udalak (2m X 90zm). Norbaitek ez badu Udalaren mahaia nahi, bere mahai propioa dakarrelako, izena ematean adierazi behar du.

Izena emateko epea azaroaren 9an bukatuko da. Azaroaren 10ean jakinaraziko zaie e-postaz parte-hartzaileei Domeka Azokan parte hartuko duten ala ez.

Izena emateko, www.bergara.eus helbidean, Domeka Azoka atalean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak