Beldurrezko ipuinez beteko dute gaua ostiralean Angiozarren

Arratsaldean hasita, txikienekin ekin eta nagusiekin amaitu, hiru ipuin kontaketa saio egongo dira Arbaiaska aretoan. Bego Alabazan kontalariak egingo ditu hiru saioak.

Azaroaren 6an, ostiralean, 17:00etatik 17:30era lehen txanda txikienena izango da. Beldurrari buruzko ipuinak kontatuko ditu Bego Alabazanek; beldurrezkoak barik, "beldurrak kentzekoak", hain zuzen. 18:00etan 6 urtetik 12 urtera bitarteko neska-mutikoentzat izango da saioa. Beldurrezko kontakizunak izango dira, adin horretakoei zuzendutakoak.

Azkenik, nagusiek ere gozatzeko aukera izango dute 20:00etan Ipuin ilunak izeneko saioan, "tonu eta kolore iluneko" kontakizunekin. Umorerik ez ei da faltako, halere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.