12-18 urte bitarteko gazteei dago zuzendua auzolan natur-artistiko hau. 25 lagun inguruko taldeak osatu eta guztien artean mezu bat adosten da. Ondoren, natur elementuak erabilita, interbentzio artistiko bat egiten da mezu hori adierazteko. Sormen prozesu bat bizitzeko aukera ematen zaie gazteei, ideiaren sorreratik eta horren gauzatzeraino.
Gazteen kezkak protagonista
Sormena pizteaz gain ekimenak parte-hartzea sustatzea du helburu. Gazteak dira ekimenaren protagonista eta baita hauen kezka eta proposamenak, horregatik hartzen dira kontuan euren interesak mezua aukeratzerakoan.
Bihar Bergaran egingo da
Garaion elkartekoak bihar, urriak 30, egongo dira Bergarako Ipintza institutuan Auzolanartean ekimenarekin. Goizeko 9:00etatik 14:00etara egongo dira bertan gazteen sormena lantzen.