Bizikleta izango da protagonista nagusia bihar arratsaldean Bergaran. Herriko Lokatza txirrindulari elkarteak bizikleta festa antolatu du, txirrindularitza eta bizikletarekiko zaletasuna kalera atera eta herriko neska-mutikoak ibilgailu hori erabiltzera animatzeko asmoarekin. Bihar -zapatua-arratsaldeko 16:30ean hasiko da , Seminarioko patioan. Izena tokian bertan eman beharko da.
Parte hartzera animatzen direnak, bereziki prestatutako ibilbide motz batean ibiliko dira, adin taldeka banatuta. 3 urtetik beherakoek jostailuzko motortxoak erabiliko dituzte; 11 urte artekoek, berriz, beraien bizikleta ekarri beharko dute, eta 11 eta 15 urte bitartekoek Lokatzako bizikletak erabiltzeko aukera izango dute.
2000 eta 2003 urteen artean jaiotakoentzat Lokatzan apuntatzeko aukera ere izango da Bizikleta festa horretan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
