Arnaldo Otegi askatzea eskatzeko, oraingo zapaturako Donostian deitu duten manifestaziorako autobusak antolatu dituzte Bergaran. Arnaldo askatu, politika askatu lelopean, manifestazioa 17:30erako iragarri dute eta Bergaratik 16:00etan aterako da autobusa geltokitik. Aldez aurretik izena eman behar da, ordea, honako tabernetako baten: Pol-Pol, Arrano edota Kortazar.
EH Bilduk, BNG-k, CUP-ek eta Ezker Batua-Berdeek bat egin dute manifestazioarekin; baita ELA eta LAB sindikatuek ere.
Manifestazioa Bulebarretik abiatuko da eta Arnaldo Otegirenaz gain, Bateragune auziagatik espetxean jarraitzen duen Rafa Diez Usabiaga LABeko idazkari nagusi ohiaren askatasuna eta gainerako euskal preso politikoena ere eskatuko dute.
Hain justu ere, auzi horregatik kartzelan zeuden Miren Zabaleta, Sonia Jacinto eta Arkaitz Rodriguez joan zen domekan utzi zituzten aske, zigorrak bete ostean. Otegi eta Diez hilabete batzuk barru libre geratzea aurreikusita dago. Guztiak ere 2011n epaitu eta zigortu zituzten, "Batasuna berregiten saiatzearren", Bateragune taldearen bidez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
