Friburgoko Johanneskirche elizako organo-jotzaile titularra da Marx 1972az geroztik, eta bertako izen handiko Metzler organoa, hiru teklatu eta 50 jokoko dituena, haren gidaritzapean eraiki zuten. Era berean, organo-irakaslea ere bada, hiri horretako pedagogia akademian.
Bere kontzertuetan jatorrizko obren interpretazio zehatz bezain adierazkorrak egiteagatik da ezaguna, eta bihar, Johann Sebastian Bachen eta Louis Vierneren piezak joko ditu, besteak beste.
Danseries de la Renaissance joz hasiko du emanaldia, eta Noel Rawsthorne konpositore britainiarraren Hornpipe Humoresque obrarekin emango dio itxiera kontzertuari.
Gerturatzen direnek doan gozatu ahal izango dute organo-jotzaile alemaniarraren musikaz, baita datorren zapatuan Aritzeta abesbatzak eta Aitor Oleak eskainiko dutenaz ere.