Marihuana eta speed drogak autoan zeramatzala atxilotu zuten 33 urteko gizonezkoa Bergaran atzo, eguaztena. Trafiko kontrol baten atzeman zuten ertzainek. 1,6 kilo marihuana, 36 gramo speed eta 1.990 euro zeramatzan autoan.
20:30ak aldera gertatu zen, Ertzaintzaren ohiko trafiko kontrol baten. Herrizaingo sailak aditzera eman duenez, autoa geldiarazi eta miaketa egin zutenean atzeman zuten ertzainek droga eta dirua autoaren toki ezberdinetan ezkutatua.
Drogekin trafikatzea leporatuta atxilotuta eroan zuten eta gaur goizean eroan dute epailearen aurrera, Bergarako epaitegira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.