'1936ko gerra Bergaran' liburua salgai

Martxoan kaleratu zuten liburua, EPUB eta PDF formatu digitaletan. Eta, izan zuen arrakastaren ondorioz, paperean argitaratu dute, Gipuzkoako Foru Aldundiak duen Oroimen Historikorako diru laguntzari esker.

Intxorta 1937 Kultur Elkarteak 2012an ekin zion ikerlan horri eta 1936ko gerra Bergaran liburua da egindako ikerketa horren emaitza. II. Errepublika garaiko Bergara aurrekari bezala aztertu ondoren, 1936ko gerrako egoera Bergaran nolakoa izan zen ezagutzeko asmoz, hainbat informazio iturri erabili dituzte; Bergarako Udaleko aktak eta Zerrajerako langileen datuak, esaterako. Herriko gerra garaiko ikuspegi bat erakusten du liburuak, datu eta zenbakiz hornitua.

Liburua Bergarako Udal Artxiboan eta liburutegian salduko dute, eta baita Arrasateko Eroski eta Ttukun dendetan ere. 5 euro kostatzen da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.