Atzo arratsaldean izan zen ustezko lapurreta San Lorentzo auzoan, 18:00ak inguruan. Segurtasun Sailak jakinarazitakoaren arabera, 63 urteko gizonezko bat laban batekin gerturatu zitzaion 13 urteko neskatoari eta, telefonoaz jabetzeko asmoarekin, mehatxatu egin zuen adin txikikoa ustez, salatzaileak berak emandako azalpenen arabera.
Ustezko biktima beste bi lagunekin zegoen gertaeraren unean. Salaketaren arabera, atxilotua irainka hasi zitzaien hiru neskei eta horietako bati labana erakutsi zion mehatxu gisa, ostean mugikorra kentzeko. Neskek ihes egin eta laguntza bila joan ziren. Salaketa eginda, ertzainen patruila bat gertaeraren lekura joan eta lapurretaren ustezko egilea antzeman zuten, zeuzkan gauzen artean salatzailearen telefonoa aldean zeramala. Hori horrela, mehatxupeko lapurretagatik atxilotu zuten agenteek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
