16:00ak inguruan eman diote alta Arrasateko eskualde ospitalean, egin beharreko proba guztiak egin eta ondo zegoela ikusi eta gero. "Bi puntu eman dizkiote buruan eta hortz bat –ebakortz bat– apurtuta dauka, baina ez du besterik. Ondo dago gainontzean", adierazi dio GOIENAri Iñigo Almortzak, Bergarako Zezenak ganadutegikoak. Ganadutegi horretakoak ziren, hain justu, gaurko sokamuturreko zezenak.
Soraluzetarra
Ibai Kortabarria da zauritutako mutila; Soraluzekoa eta 20 urtekoa. Bergarako Zezenak ganadutegikoei laguntzen ibiltzen da, gainera, Almortzak azaldu duenez.
Irristatu egin da
Bergarako San Martin jaietako goizeko sokamutur saioan gertatu da harrapaketa. Lurra bustita zegoen eta gizonezkoa irristatu egin da. Zezenak eraso egin dio orduan eta modu arriskutsuan jausi da; erortzean, buruarekin kolpatu du zorua.
Lekukoen arabera, lehen momentu batean, gizonezkoa lurrean geldi geratu da, baina besoa mugitu du geroago. Ingurukoek urrundu dute zezena gaztearengatik eta berehala eraman dute Arrasateko eskualde ospitalera; larrialdietan artatu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak