Ardo dastaketa ikastaroa egin dute Uberan

Mikel Garaizabal enologoaren eskutik ardoa nola dastatzen den ikasi ahal izan zuten atzo arratsaldean Uberako elkartean bildu ziren hogeita hamabost pertsonak. Aurkezpen teorikoaren ostean praktikara egin zuten salto, eta ardo mota desberdinak dastatu zituzten, guztiak Euskal Autonomia Erkidegoan ekoiztuak.

Aurten San Martin jaien atarian nobedade moduan antolatu du Udalak ardo dastaketa, Eusko Jaurlaritzako HAZI fundazioarekin batera. Eta ekimenak arrakasta izan du; izan ere, hasiera batean izen-ematea hogeita hamar parte hartzailetara mugatuta bazegoen ere, azkenean hogeita hamabost pertsona batu ziren Uberako elkartean.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.