Bergara ere babes herria lelopean hainbat herritar batu ziren atzo arratsaldeko zazpiak eta erdietan, tartean baita EAJ, EH Bildu, Irabazi eta PSEko ordezkari politikoak ere, norbanako gisa. Herri ekimenak deitutako bilkura izan zen, batez ere Siriatik eta beste herrialde batzuetatik ihesi Europara datozen pertsona eta familiei babesa adierazteko helburuarekin.
Elkarretaratzearen ostean, antolakuntzako kide Aiert Lizarraldek adierazi zuen Bergarak, herri moduan, errefuxiatuei aterpea emateko prest egon behar duela. Horretarako, "Udalean akordio instituzional bat" lortzearen beharra nabarmendu zuen: "momentuz, udaletxean dauden alderdi desberdinen artean proposamen desberdinak bateratzea da helburua".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
