Bihar egingo dute Orfeoi Gaztearen kurtso hasierako bilera

Bergarako Orfeoi Gaztea.

Bihar, hilak 8, 19:30ean izango da bilera, Santa Marinako sakristau etxean, Bergarako Orfeoiaren entseguen lokalean. Deialdia dago zuzenduta 13 eta 18 urte bitarteko gazteei, mutilei zein neskei. Arduradunek ohartarazi dute ez dela beharrezkoa musika irakurtzen jakitea.

 

Nagore Sanz izango da aurten ere Orfeoi Gaztearen zuzendaria. Talde ederra osatuta dute dagoeneko Bergarako Orfeoi Gaztean, eta oraindik gazte gehiago animatzea espero dute.  

Proiektu honek, Musika Eskolarekin elkarlanean, bi helburu nagusi ditu: "Kantu-zaletasuna suspertzea eta Bergarako Musika Eskolako haur koruen eta Bergarako Orfeoiaren artean zubi-lana egitea". 

Entseguak astean behin izaten dira eta ordu eta erdi irauten dute. Ordutegia eta eguna finkatzeke daude; biharko bileran erabakiko da.

Bergarako Orfeoi Gaztea (Gabero) 13-18 urte arteko gazteez osatutako abesbatza da. Bergarako Orfeoiak babesten du, etorkizunean gazteok Bergarako Orfeoiko kantari izateko helburuarekin.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.