Ikasturte berrian 25 titulazio baino gehiago eskainiko dituzte UNED-Bergaran eta horien berri eman eta interesa dutenen zalantzak argitzeko asmoz, berbaldia egingo dute Donostiako Koldo Mitxelena Kulturunean, eguaztenean 19:00etan. Gradu, Master eta Doktoretzez gain, aurten ere graduondokoetan, etengabeko prestakuntzan eta hizkuntzetan eskaintza zabala dauka Bergarako zentroak.
Eskaintzaren xehetasunak Uned.es/ca-bergara-n aurki daitezke ala posta elektronikoz (info@bergara.uned.es) ala telefonoz, 943 76 90 eskatu.
Graduez gain, besteak beste, diziplina askotako ikastaroak antolatzen ditu autonomoki UNED-Bergara Ikastetxeak: adibidez, Psikomotrizitate Eskola, Liburutegi Laguntzaile Eskola, Osteopatian Trebakuntza, Idazle Eskola, Gizarte-Laguntzarako Ikastaroak KutxaZabal Debaren eskutik, Kutxaren eskutik Kutxa Ikasgelak, Uda Ikastaroak, Mintzapraktika Ingelesez ikastaroa, Haurrak eta Musika Ikastaroa.
