Kalean egiten den salaketa-ekintza artistikoa da Women in black. Partaideak, beltzez jantzita, lurrean etzaten dira lerro bakarrean, hilotzak bezala, begiak itxita. Klarionarekin zoruan etzandakoen gorputzaren silueta marrazten dute eta hori egindakoan, lerroko lehenetik hasi eta azkenera arte, lehenak hurrengoari sorbaldan ukituta, bata bestearen ostean zutitzen dira. Minutu batez isilean egon eta joan egiten dira.
Emakumeenganako indarkeria performance baten bidez egin gura du salaketa eguaztenean 19:00 San Martin plazan Woman in Black ekimenak deituta. Espainiako estatuan hainbat lekutan aldi berean egingo den kale-agerraldia izango da, emakumeek, beltzez jantzita eta hilotzak balira bezala, egingo dutena. Bergarako emakumeei parte hartzeko deia luzatu die kolektiboak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak