Bakardadean erakusketa Ana Abajok eskultura ikasgairako egindako lan batetik ateratako obra da, Pina Bausch-ek egindako Café Müller maisu-lanean inspiratua.
Ana Abajok honela azaltzen du bere erakusketa: Instalazio honek lana deskonposatu nahi du, eta horretarako erabiltzen ditu bi bideo (kameraren eta irudiaren arteko joko bat, batetik kamera estatikoa da eta irudia da mugitzen dena eta, bestetik, irudia geldi dago eta kamera da zer eta nola erakutsi erabakitzen duena), argazkiak, akuarelak, idatziak, pinturak eta eskultura bat. Eta horrez gain, entzungo den audioak bere osotasunera eramango du obra, bakardadeari leku eginez".
Abuztuaren 21ean, egubakoitza, arratsaldean inauguratuko da erakusketa, eta ondoko ordutegian egongo da ikusgai: martitzenetik egubakoitzera, 18:00-20:30; zapatuetan, 12:00-14:00 eta 18:00-20:30; eta domeka eta jaiegunetan, 12:00-14:00.