Lehen mailan jokatzen du Realaren emakumezkoen taldeak, eta bigarrenean, EDFrenak. Partidu hori Debagoienean "berritasuna" izango dela azpimarratu du Bergara Kirol Elkarteko presidente Pedro Ricok, izan ere, Real Sociedaden emakumezkoen taldeak lehenengo aldiz jokatuko du bailaran.
Partidua zaleendako "oso erakargarria" izango dela uste du Ricok. "Orain arte, Eibarrek, Realaren lehen taldeak… jokatu izan dute Bergaran lagunarteko partiduren bat. Zaleek asko eskertzen dituzte norgehiagoka horiek", esan du antolatzaileak.
Partidua hilaren 26an izango da, 19:00etan, Bergarako futbol zelaian, eta txartelak bertan bakarrik salduko dira, ez aurretik; 3 eurotan salduko dituzte, "gastuak estaltzeko", dio Pedro Ricok.
Saskibaloizaleek irailaren 15ean izango dute ikuskizun apartaz gozatzeko aukera, Gipuzkoa Basket eta Laboral Kutxa Baskonia taldeek jokatuko duten partiduarekin. Labegaraietako kiroldegian izango da, 18:30ean hasita.