Abuztuko lehen eguaztenarekin batera, Bergarako Oxirondo azokan hileroko hitzordua egin dute baserritarren azokarako. Baina gaurkoa ez ohikoa eta berezia izango da, oporraldi giroarekin bat datorrena. 18:00etan hasita, azokak eskaintzen dituen bertako produktuak erosteko aukeraz gainera, pintxo potea (italiarra) eta kontzertua (Antonio Lizana) ere izango dira.
Pintxo poterako materiala Kai tabernak eramango du. Eta berritzailea izango da, ez ohikoa: "Eguraldiaren araberako pintxoak izango dira, baina hori bai, italiarrak. Hostore masarekin egindako pintxoak izango dira, lasaña, berenjenak… erabiliko ditut", kontatu du Giuseppe Pino Santacroce-k. 18:30-19:00ak aldera eramango ditu pintxoak Oxirondora, 100 bat, "edo akaso gehiago", adierazi du Pino-k.
Jazz kontzertua
Behin azokakoak eginda, musikarako tartea emango dute Oxirondo plazan, Antonio Lizanaren eskutik (20:00). Jazz kontzertua eskainiko du andaluziar musikariak. Goi mailako jazz ikasketak Musikenen egindakoa da Lizana, eta bigarren diskoa argitaratu berri du ekainean: Quimeras del mar.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
