Ordu eta erdiko kontzertua eskaini zuen, atzo, Gabacho Maroconnection taldeak Espoloian. Fusioa egiten du zortzi lagunez osatutako taldeak; jazzaren eta musika afrikarraren arteko fusioa. Doinu etnikoak dira nagusi eta horrekin batera afrikar musika tresna ugari, batez ere perkusioarekin lotutakoak.
Doinu eta irrintzi etnikoak saxoen bakar-saioekin uztartzen dituzte Gabacho Maroconnection taldekoek. Taldea bera da fusioa; jatorri frantziarreko, espainiarreko eta marokoar-eko kideak ditu, eta nahasketa emaitza atseginekoa da.
Zortzikoa gustura aritu zen eszenatoki gainean erritmo biziko kantuak hainbat azalpenekin eta aurkezpenekin tartekatuz.
Bizipoza kutsatzen du Gabacho Maroconnection taldeak.