Xabalote gaztelekuak hilaren 18an, hurrengo zapatuan, egingo du Arcachongo aquaparkera irteera. Badira zortzi bat urte irteera hori egiten dutela, eta klasiko bilakatu da ondorioz. 06:00etan irtengo dira gazteak begiraleekin Bergaratik, eta 21:00ak ingururako bueltatuko dira. Irteera honen prezioa 20 euro da.
Eta hurrengoan Debara
Hurrengo asteburuan Debara izango da irteera. Hilaren 24an 15:00etan irtengo dira; Mendaron lo egin eta zapatu goizean surf ikastaroa edukiko dute Deban. Eguerdirako Bergarara itzuliko dira. 25 euro balio ditu irteera honek. Izena Jardunen edo gaztelekuan eman daiteke, bihar –barikua– edo zapatuan –19:00etatik; 23:00ak arte egongo da irekita–.
