Mendi irteerarako eta batzar orokorrerako deia Pol-Polek

Luzaide eta Auritz arteko mendi ibilaldia antolatu du Pol-Polek domeka honetarako, hilak 12. Bestalde, batzar orokorra egingo du mendi taldeak datorren eguenean, hilaren 16an, Miguel Altuna institutuko areto nagusian.

Egun osoko irteera izango da domekan Nafarroan egingo dutena, 07:00etan frontoi paretik autobusez irtenda. Gaur –eguena– eta bihar ere badago oraindik izena emateko aukera; Pol-Polen bulegoan egin behar da, 19:00ak eta 20:00ak artean, 20 euroren truke.

Batzar orokorrari dagokionez, 19:00etan izango da lehen deialdia, eta 19:30ean bigarrena. Ondorengo gaiak landuko dituzte batzarrean: 2014/2015 sasoiko jarduerak; elkartekideen eta federatuen kopuruak; sasoiko balantze ekonomikoa; eta lokala erosteko proposamena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.