Hori ez gainditzeko hartutako neurriek eragindako egoerek zenbait erabiltzaileren haserrea eragin dute.
Udaleko Kirol sailetik diote badakitela neurriok hartu beharra ez dela "erabiltzaile askoren gustukoa", baina, derrigortasuna argudiatuta, alternatiba gisa gogorarazten dute barruko igerilekuan ere har daitekeela bainua.
Osterantzean, kanpoko igerilekuaren gehienezko erabiltzaile kopurua betetzen denerako Udalaren Kirol batzordeak onartuta duen jokatzeko modua gogorarazi dute: "Sorosleek bainutokirako sarrera itxi egingo dute; barruko igeritokira zuzenean sartu ahal izateko, alboko sarrerak egokituko dituzte; bainutokitik erabiltzaileak irteten diren neurrian, beste batzuk sartuko dira; bainura sartzeko zain jende kopuru handia egongo balitz –30 lagunetik gora–, itxi denetik 30 minutu pasatu ondoren, irteteko eskatuko zaie bainutokian dauden erabiltzaileei, erabiltzaile berriak sar daitezen".
Eragozpenengatik "barkamena" eta sorosleen esanak betetzea eskatzen dizkie Kirol sailak herritarrei.