Frontenis txapelketa –binakakoa– uztailaren 6tik 10era jokatuko da, Udal Pilotalekuan. Izena emateko epea eguaztenean bukatuko da, hilaren 1ean; 7 euro ordaindu behar dira bikoteko, kontu korronte bidez.
Saskibaloi txapelketa, berriz, uztailaren 13tik 17ra jokatuko da, Agorrosinen. Lau edo bost lagunek osa ahalko dute taldea, eta hilaren 7ra arte eman daiteke izena, 14 euroren truke –taldeak–.
Liga sistemara jokatuko dira txapelketak, eta bikote edo talde bakoitzak hiru partidu jokatuko ditu gutxienez. Izena Agorrosinen eman behar da, aipatutako epeetan.