Irakurzaletasuna bultzatzeko Jardunen astea izango da datorrena

Astelehenetik egubakoitzera izango da euskarazko irakurketa sustatzea helburu duen ekimena; eta, horren bidez, "euskararen erabilera gozagarria eta euskal literaturaren produkzioa" bultzatzea ere nahi du Jardunek.

Ekainaren 29tik uztailaren 5era Elkar Megadendan euskarazko liburuak erosten dituztenei, Jardunek itzuli egingo die ordaindutakoaren zati bat: %50 helduen literaturan; %30 gazteen literaturan; eta %15 haur literaturan –gehienez bi liburu pertsonako–. Itzulketa jasotzeko Jardunen egoitzara joan behar da erosketa txartelarekin; uztailaren 10ean bukatuko da epea.

Ipuin kontaketa eguenean

Haurrentzako ipuin kontaketa ere egongo da Agorrosinen, hilaren 2an, 17:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.