07:00etan kanpaien jotzea Santa Marina parrokian; 07:30ean Santa Marinatik bertatik San Martzialera igoera, Letania errezatuz; ondoren, meza San Martzialen; eta, amaitzeko, txokolatea, San Joxepe erretiratuen elkarteak prestatuta.
Zapatuan, berriz, buruhandi eta erraldoien kalejira egongo da 18:30etik aurrera, Udal Txistulari Bandak lagunduta.
Eta domekarako geratzen da egitarauaren zatirik potoloena, San Martzialen. Dultzaineroek, trikitilariek, txistulariek eta txarangak alaituko dute giroa goizean goizetik. 10:00etan, San Martzialera igoera gurdiarekin, eta 11:00etan meza izango da.
Amaia Agirre eta Jokin Uranga bertsotan arituko dira 12:00etatik aurrera, eta ohiko aurreskua egingo dute ondoren; kantina ondoan, berriz, abesti herrikoiak.
Arratsaldean, jolasak, herri kirolak, irrintzi txapelketa, laket taldearen erromeria, Larrain-dantza... ohiko festa giroa izango da hurrengo domekan. 21:00etan jaitsiera hasi eta San Martin plazan bukatuko da.
Erromeriarako autobusa egongo da; zirkulaziorako itxita egongo da bidea, 10:00etatik 11:00etara eta 21:00etatik 22:00etara.
