Mikel Aristi Euskadiko selekzioaz lehiatuko da asteburuan, Caceresen egingo duten Espainiako Txapelketan. Eta Bergarakoa ez da ezkutatzen, azken astean bi lasterketa irabazita erakutsi du sasoian dagoela –Gipuzkoako erlojupekoa, eta Segurako lasterketa–, eta 23 urtez azpikoen kategorian urrezko domina du helburu: "Espainiako Txapelketa egun bateko lasterketan erabakitzen da, eta halakoetan ikusten da indartsuenak ez duela beti irabazten. Baina, nik behintzat indartsu ikusten dut nire burua, ondo nago, konfiantzaz nago, eta txapelketaren bila noa".
Bergarakoak gaur, eguaztena, izango du Caceresera joan aurretik azken konpromisoa, Tolosan lehiatuko delako taldekideekin batera, Jose Maria Anza memorialean (123 kilometro). Hala, Aristi izango da bakarra 23 urtez azpikoen taldean Tolosan lehiatuko dena, gainontzekoek indarrak gordeko dituztelako astebururako.
Espainiako Txapelketan, berriz, Euskadi EDP taldeko bederatzi ordezkari izango dira Caceresen. Batetik, Mikel Iturria, Illart Zuazubiskar, Egoitz Fernández eta Ander Plazaola errepideko lasterketa absolutoan izango dira, Madariagaren taldeko elastikoa defendatzen. 23 urtez azpiko kategorian, ostera, selekzioekin hartzen dute parte, eta hor, Aristik Euskadikoa jantziko du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak