Bost gizon atxilotu ditu Ertzaintzak ustez San Juango pabiloi baten osteagatik

Atzo, domeka, goizean 26 eta 50 urte arteko bost gizonezko atxilotu zituen Ertzaintzak, ustez San Juan auzoko enpresa bateko pabiloiko ateak indarrez ireki hango materiala lapurtu zutelakoan. Atxilotuetatik hiruk lapurreta aurrekariak dituzte, Segurtasun Sailaren arabera. 

Atzoko 06:25ean jaso zuen abisua Ertzaintzak, pabiloiko alarmak jo eta gero. Agenteak lekura joan eta barruan jendea zebilela ikusi zuten. Ustezko delitugileen autoa pabiloitik irten eta segika ibili eta gero, atxilotu egin zituzten bost gizonezkoak. Ibilgailuan ustezko delituarekin lotura izan dezaketen objektuak aurkitu zituzten: lantresnak, kableak, kobrezko konektoreak eta aluminiozko pieza bat. Bergarako epaitegiaren esku utziko dituzte gaur.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.