Gazte Danbadako ekitaldian "gudariak omentzea" leporatzen diete auzipetuei, eta ondorioz "terrorismoa goratu" izana. Salegik, kazetari jardunean, estaldura informatiboa egin zion ekitaldiari, Topatu.info hedabidearentzat. Hala, Berria-k jakinarazi duenez, "kazetaritza mota guztien zilegitasuna" aldarrikatu zuen atzoko epaiketan Salegik eta horretarako "baldintza demokratikoak" beharrezkoak direla gogorarazi zuen.
Atzo bukatu zen Espainiako Auzitegi Nazionalean Iraitz Salegi kazetariaren eta harekin batera, 2013ko Gazte Danbada jaialdiko gertaeren harira, auzipetutako Ernai gazte-erakundeko 7 kideen aurkako epaiketa. Epai zain daude beraz 8 gazteak, Fiskalak zigor eskaerari eutsita: urte eta erdikoa Salegirentzat eta 2 urtekoa gainerakoentzat, 12 urtera arteko inhabilitazioarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak