Xinbela eta Azagirre irabazle Artatseko pilota txapelketan

Pilotari eta ikusleek talde argazkia egin zuten jaialdiaren amaieran.

Eloy eta Josuri 22 eta 11 gailendu zitzaien bariku gauean jokatutako finalean. Udal pilotalekuan jende ugari batu zen Arranoko I. Pilota Txapelketako finalean eta antolatzaileek eskerrak eman nahi dizkiete bai parte hartu duten pilotari guztiei, baita ikusleei ere.

Barikuan jokatu ziren, era berean, hirugarren eta laugarren postuak: Humberto eta Gallase 22, Artola eta Altuna 8 izan zen emaitza.

Guztira herriko 40 bikotek hartu dute parte txapelketan, 79 gizonezkok eta emakumezko batek eta antolatzaileek aurreratu dutenez, kirol zein kultura ekitaldi gehiago antolatzen jarraituko dute: "Artatse taberna soila baino zerbait gehiago izatea nahi dugu, herriarendako gauzak egin nahi ditugu", esan dute. Baina bada beste arrazoi bat ere: "Taberna ixteko arriskuan dagoenez, herriko taberna askoren moduan, horren kontrako mezua ere zabaldu nahi dugu".

Dagoeneko badute martxan bete txapelketa bat, nesken frontenis txapelketa, hain zuzen, eta 24 bikotek dihardute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.