Bergarako Arranoko Lehen Pilota Txapelketako finalak jokatuko dira oraingo barikuan, 21:30ean Bergarako Udal pilotalekuan. Herriko 40 bikotek hartu dute parte txapelketan. Horrekin batera, Nesken Frontenis Txapelketa ere jokatu da. Azken hau jokoan da oraindik, baina oraindik ez dira finalera heldu; 24 bikote ari dira. Argazkietan, parte hartu duten pilotari batzuk.
Gaurko jaialdiko kartela honako hau da:
- 1. Erakusketa partidua.
- 2. Barru herrikoia.
- 3. Hirugarren eta laugarren postutarako partidua: Humberto eta Gallas, Artola eta Altunaren aurka.
- 4. Finala: Xinbela eta Azagirre, Eloy eta Josuren aurka.
Antolatzaileek azaldu dituzte txapelketen helburuak; izan ere, kirol eta aisialdi jarduera bat baino harago doan ekimena izan da, diotenez: "Pilota txapelketek bi helburu izan dituzte. Batetik, Arrano, taberna bat baino gehiago dela erakustea, herritarrendako gauzak egiteko asmoa eduki dugu-eta hasieratik (kultura eta kirol arloan gehienbat). Bestetik, taberna ixteko arriskuan dagoenez, beste Herriko Taberna asko moduan, gaiaren eta egoeraren berri emateko aprobetxatu ditugu txapelketok".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak