Pol-Pol mendizale elkarteak Palentziako mendietara joateko irteera antolatu du ekaineko lehen astebururako; beteranoen irteera izango da. Irteera zapatu goizeko seietan izango da, frontoitik, eta prezioa 75 euro. Izena eguenean eta egubakoitzean eman ahal izango da, 19:00ak eta 20:00ak bitartean Pol-Polen egoitzan.
Zapaturako asmoa da Castrejon de la Peñatik Peña Redondara igotzea. Mendizaleek 900 metroko desnibela izango dute goruntz eta beste hainbestekoa beheruntz, itzuleran; 13,2 kilometro guztira. Zailtasun ertaineko ibilaldia da.
Domekan, berriz, Mave-Las Tuerces-Villaescusa de la Torres ibilbidea egingo dute. 11 kilometroko ibilaldia da, zailtasun errazekoa eta 570 metroko desnibel metatua duena.
Las Tuerces.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
