Taularen gainean, hogei lagun izango dira, gorrak dira guztiak. Askotariko piezekin osatutakoa da bihar Zabalotegin erakutsiko duten ikuskizuna. Lau taldetan banatuta, bata bestearen segidan, poesia, clown, antzerkia eta mimo saio bana egingo dute. Aipatutakoez gainera, Manos K Rien taldekoek egindako bi film labur ere eskainiko dituzte ikuskizuna borobiltzeko: Mafia eta Nunca te olvidaré. Azken horrek, aktore onenaren saria eskuratu zuen iazko Badalonako film laburren jaialdian. Iaz izan ziren lehenekoz Bergaran, eta izan zuten harrera ona gogoan, gogotsu datozela diote donostiarrek.
Gormutuen eskubideak aldarrikatzeko ikuskizuna
Gorrak dauden pertsonak batzen dituen elkartea da Donostiako Manos K Rien kultura elkartea. Ezintasun horiek dituztenen eskubideen alde lan egiten du 2009. urtea geroztik, besteak beste, zeinu hizkuntzaren hedapena sustatuz eta askotariko ekimen artistikoak bultzatuz. Bergarako Zabalotegi aretoan izango dira, bihar, zapatua, 20:00etan. Zortzi eurotan eskura daitezke leihatilan sarrerak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
