Iragarritako moduan, hamasei piezatako kontzertua eskaini zuen Orfeo de Sabadellek atzo iluntzean Bergarako osoko bilkuren aretoan. Francesc d'Assisen zuzendaritzapean Bach, Schubert eta Brahmsen doinuak eskaini zituzten, besteak beste. Baina baita doinu kataluniarrak eta euskaldunak ere,
Kataluniako taldeak bete egin zuen osoko bilkuren aretoa eta gustura entzun zuten saioa; amaieran bisa ere egon zen, entzuleek hala eskatuta.
Aritzeta abesbatzaren gonbidapena
Orfeo de Sabadellgo ordezkariak Bergarako Aritzeta abesbatzak gonbidatuta etorri dira. Harreman estua dute bi taldeek. Aritzetakoak 2013an izan ziren Katalunian abesten Sabadellgo taldeak gonbidatuta eta haiek orain bisita itzuli diete.
Kontzertua eskaintzeaz gain, Bergara eta inguruak ezagutzeko tartetxoa ere hartu dute kataluniarrek. Esaterako, Getariara irteera egin dute eta baita Bergaran bisita gidatua ere.