Laugarren postua eskuratu du Oñatiko Ekaitz Txintxurretak eta seigarrenean gelditu da Bergarako Mikel Arregi. Harendako izan da herriko lehenengoarendako saria. Lehenengo postuan gelditu da, esan bezala, Oier Ibarguren (01:39:17); bigarrenean Imanol Etxeberria naparra eta hirugarrenean Diego Lopez gasteiztarra.
Lasterketa azkarra izan da; Enbalaneko aldapan ihes egin du Julen Umerez oñatiarrak baina helmugara heldu aurretik harrapatu du taldeak. 40 inguruko taldea sartu da helmugan.
Guztira 138 txirrindularik hartu dute parte lasterketan. Eguraldi onak lagunduta, herritarrak ere batu dira ikuskizunaz gozatzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.