Bizikleta gaineko bizipenak
Martitzenean, Laura Martinezek eta Aitor Igiñitzek zortzi urtean zehar bizikleta gainean igarotakoak azalduko dituzte Zabalotegin, diaporama batean.
Ikus-entzunezkoa ikusi ostean, bizikletak probatu nahi dituzten horientzako Agorrosinen aukera egongo da. Bi euroko fidantza utzita, bizikleta eliptikoak probatzeko aukera izango da.
Kirol Kontseilua eguaztenean
Mugikortasun plana eta bidegorri sarea izango dira eguaztenean, 19:30ean, udaletxeko osoko bilkuren aretoan egingo den Kirol Kontseiluaren puntu nagusiak.
Bileran, oinezkoen eta bizikleten arteko elkarbizitza bermatzeko herri barruko bidegorriak izango duen antolaketa berria azaltzeaz gain, herri barruan ekiteke dauden bidegorri zatiak zein fasetan dauden azalduko dute.