Aurten, gozatzera
Lasterketa bat baino gehiago festa solidario bat den proba horrek helburu handi bat dauka. "Izena emateko, Intermon Oxfamen alde 1.500 euro batu behar dira; guk 4.026 bildu ditugu", azaldu du Txus Iglesias taldekideak. Aurten, gainera, helburu solidario bat bultzatzeaz gain, gozatzera joan dira. "Olot eta Sant Feliu de Guixols artean dauden 100 kilometroak bi zatitan egin ditugu. Horrela, Girona ezagutu eta turismo apur bat egin dugu", dio Iglesiasek.
Aurten hobeto pasatu duten arren, taldekideek ez dute erabaki datorren urteko Trailwalker lasterketan parte hartuko duten.
