Masterreka kaleko espaloia zabaltzeko lanak hasi dira

Masterreka kalean lanean ari diren eremua.

Masterreka kaleko 2. eta 10. zenbakietako etxebizitzen arteko espaloia handitzeko lanak hasi dira. Orain arteko espaloi irregularraren ondorioz, gurpildun aulkiak eta haur-kotxeak ezinezkoa zuten bertatik igarotzea estuegia baitzen.

Lan hauekin errepideak 3,5metroko zabalera izango du eta espaloiak irregularra izaten jarraituko duen arren, 1,20 eta 2 metro inguruko zabalera izango du.

Horrez gain, 8 eta 10. zenbakien artean zebra bide berri bat egingo da. Egun 2. zenbakiaren parean dagoen zebra bidea eta egingo den berria ere altxatu egingo dira.

Apirila amaierarako lanak amaituta egotea aurreikusten da. Lanak irauten duten bitartean Masterreka kalea itxita dago bai oinezkoentzat bai motordun ibilgailuen zirkulaziorako. Horregatik, Bolutik ateratzeko Barrenkaletik desbideratu da motordun ibilgailuen zirkulazioa eta Bolura joateko, aldiz, Artekaletik barrena joan behar da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.