Goenkalen kokaturiko eta 1500 urte inguruan eraikitako etxe honek harri landuz dauka jasoa behe solairua, eta lehenengo altuera sostengatzen duen oinarriak ere harrizkoak dira eta gotiko estilokoak. Zura erabili beharrean harriz egindakoa izanagatik iraun du eraikuntzak, Ertaroan ugariak ziren sute ikaragarriek ez baitzuten guztiz erraustu. Etxe bitxi honetan jaio zen, 1878 urtean, Koldo Eleizalde; idazlea, euskaraz egindako hezkuntzaren bultzatzailea eta Euskaltzaindiaren sortzailetarikoa izan zena.
Duen originaltasunagatik
Bada, Bergarako Koldo Eleizalderen jaiotetxea Bartzelonako Espainiar Herrian (El Pueblo Español) dago erreproduzituta, bere originaltasuna dela-eta. Bartzelonako hirian, Montjuic mendiaren gailurrera iritsi baino lehen, dago Espainiar Herria deituriko herri museoa; Espainiako probintziak daude irudikatuta bertan. 1929an eraiki zuten, urte hartan Bartzelonan ospatu zen Nazioarteko Erakusketarako.
Bartzelonako Espainiar Herrian ateratako argazkiak dira guztiak.
