Hain justu, Jakoba Errekondo adituarekin eta irrati esatariarekin hasiko da zikloa, apirilaren 18an, zapatua. Hark Euskadi Irratian zapatu goizetan izaten den Landaberri irratsaioa egingo du bertan, 09:00etatik 10:00ak bitartean.
Eta haren ondoren, 10:30ean, Landareen bizimodua hitzaldia egingo du, Uberako elkarte gastronomikoaren ondoko lokalean.
Perretxikoak eta sendabelarrak
Maiatzean, berriz, 6an, eguaztena, egin dute hitzordua, kasu horretan, Iro Landaluze perretxiko zale abadiñoar ezagunarekin Basogintza mikologikoa hitzaldirako. 18:30ean hasiko da, hori ere elkarte ondoko lokalean.
Hitzaldi zikloa bukatzeko, Sustarretatik sendabelarretara gaia landuko dute Idurre Aranguren eta Itziar Egidazu arrasatearrek, ekainaren 6an (zapatua) elkarte ondoko lokalean, 11:00etan hasita.
Bergarako Udalarekin batera antolatutako hitzaldi ziklo hori uberarrei, bergararrei orokorrean eta interesa izan dezaketen guztiei zuzenduta dago.