Azkarate-Askasua, Eslava, Haendel eta Aita Madinaren kantuak egon dira entzungai Bergarako parrokian. Guztira, bederatzi pieza izan dira.
Koru Parrokialak atseden hartzeko asmoa, emanaldiaren erdian, organistak Aretxabaletako Errasti musikariaren kantu batzuen moldaketak jo ditu. "Oso gustura geratu gara. Herritar asko batu dira eta motza egin zaiela esango nuke", esan du Koru Parrokialeko kide Pedro Garitanok. Emanaldia ordubeteko izan da.
Apirilean gehiago
San Pedro parrokia berritu zenean, eta herriko ondare musikalaren pieza garrantzitsuenetarikoa izan arren, ez zen Stoltz-Freres organoa konpontzeko aukerarik egon. Hori horrela, herriko musikariek, dirulaguntzak lortzeko emanaldia egiten hasi ziren.
Martxokoak bukatu ostean, apirilean, Aste Santu ostean, beste bi kontzertu egongo dira: 12an, Marije Ugalde sopranoaren emanaldia; eta 25ean Alai taldearena. Horietan jasotzen den dirua organoa konpontzeko izango da.
