Alemaniako enpresendako forjaketa hornitzaile garrantzitsuena da Lazpiur. Batik bat automobilgintzarako esportatzen du Lazpiurrek Alemaniara. Horregatik, Hannoverko azoka berritasunak aurkezteko aukera ezin hobea da LazpiurrendakoAurten, puntzoi eta matrize belaunaldi berria eroango du Lazpiurrek azoka horretara. Teknologia maila handiko eta kalitate goreneko produktuak dira. Horiek egin ahal izan ditu abiadura handiko mekanizatu zentro baten izandako inbertsioari esker. Hermle enpresa alemanaren zentroa da hori.
Kokapen aparta
Bilboko Bazkundearen eskutik doa Lazpiur Hannoverrera. 4. pabilioian -azpikontratazio industrialaren gainekoa- G12 erakustokia izango du Bilboko Bazkundeak. Lazpiurrek toki berezia izango du, 16 metro koadrorekin eta kokapen apartarekin, forjaketako multinazional batzuen ondoan, hala nola GKN, HAY eta HBS.
Forjaketan, nazioarteko bigarren herrialde indartsuena da Alemania; aurretik Txina du bakarrik, eta segidan, India eta Japonia. Indiarekin ere badu harreman komertziala Lazpiurrek, Kriti Group enpresarekin egin berri duen hitzarmenari esker.
