Musika eskolako ikasleak 'Mozkorra Parregarri' operaren entseguan izan dira

Datorren asteburuan estreinatuko dute Bergarako askotariko musikarik eta artistek egin duten Xabier Maria Muniberen, Peñafloridako Kondearen, Mozkorra parregarri euskaraz kantatutako historiako lehen operaren moldaketa. Herritarren aurrean erakutsi aurretik baina, gaur, domeka egin duten entsegura gonbidatu dituzte musika eskolako ikasleak.

"Isil-isilik eta adi-adi egon dira emanaldiak iraun duen bi ordutan. Gustura sumatu ditut ikusleak, akaso bigarren aktuan gusturago, komikoagoa da-eta. Areto erdia bete da. Gu ere gustura egon gara, lasai sumatu dut lan-taldea. Dena ondo atera da, nahiz eta zuzentzeko detaile batzuk topatu ditugun" kontatu du Valen Moñux zuzendari artistikoak.

Sarrerak erosteko aukera badago oraindik

Datorren asterako, beraz, guztia prest dute eta irrikitan daude herritarren aurrean erakusteko. Lau emanaldi egingo dituzte, Udaletxeko aretoan guztiak, martxoaren 14 eta 15ean: zapatuan 19:00etan eta 22:30ean; eta domekan, 16:30ean eta 19:30ean. Lehenengo emanaldirako sarrerak agortuta dauden arren, gainontzeko hiruretarako erosteko aukera dagoela oraindik gaineratu du Moñuxek. Hamazortzi eurotan eskura daitezke honako tokietan: Bergarako kultura etxean, Lazkano eta Lonbide zapata dendatan, Pikupe Produkzioak bulegoan, eta bergara.net atarian ere bai.

Erlazionatuak

`Mozkorra parregarri´ opera komikorako sarrerak ditugu.

Antolakuntzari esker, `Mozkorra parregarri´ opera komikoa ikusteko sarrerak ditugu. Martxoaren 14an 22:30ean eta martxoaren 15ean 16:30ean eta 19:3...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.