Udaberriko Ligako lehen igeriketa jardunaldia zapatuan Agorrosinen

Imanol Gallego 2015ko mar. 6a, 08:12
Pasa den urteko froga.

Gipuzkoako Udaberriko Ligako Lehen Igeriketa Jardunaldia jokatuko da zapatuan Bergaran. Andoainen ere jokatuko da, Bergararekin batera. Bergaran, honako igeriketa elkarte hauek ariko dira: Bidasoa, Legazpi, Oarsoaldea, Bergara, Atletico San Sebastian, Zarautz Baleak, Aloña Mendi eta Urbat. 150 bat igerilari orotara.

Bergaran antolatzen den urteko lehen txapelketa izango da zapatukoa eta Nerea Anduagak entrenatzen dituen neska-mutikoak ilusio handiarekin ekingo diote, azkeneko txapelketetan fin aritu dira-eta, emaitza onak lortuz. Domekan, bestetik, Legazpin jokatuko den Eskola arteko 50 metroko Gipuzkoako finalean ere ariko dira Bergara Kirol Elkarteko igerilariak.

Igeriketa txapelketa dela-eta zapatuan ezingo da erabili bainuontzi handia. Honenbestez, goizean itxita egongo dira igerilekuak ohiko erabiltzaileendako. Bestetik, jaioberrien ur jarduerak (bainuetxean ematen direnak) eta igeriketa eskolak (bainuontzi txikian emango direnak), berdin emango dira. Txikien aldagelak eta familia aldagelak erabili beharko dira.

Arratsaldean bainuontzi handia erabili ahalko da inongo arazorik gabe.

Udal Kirol Zerbitzutik barkamenak eskatu nahi dizkie herritarrei txapelketak sorraraz ditzakeen gorabeherengatik.

Ur jolasak domekan

Bestalde, domeka arratsaldean (17:00-19:00) ur-jolasak antolatu dituzte. 8 urtetik gorako neska-mutikoendako puzgarriak eta jolasak antolatuko dituzte handian. Eta, txikian, 8 urtetik beherakoendako eta hauen gurasoendako ur-jolaserako materiala aterako dute.

Kirol zerbitzutik adierazi dutenez, jolas horietan parte hartzeko baldintza bakarra da eguneko sarrera ordaindu edota abonatua izatea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak